Onajon, bu galgi yurak so'zimni senga bag'ishladim, senga onajon yo'q - yo'q so'zim emas, o'zimni senga bag'ishladim senga onajon Sen meni yaratding rahmat onajon, hadya etding meni yorug' dunyoga Yaratding qalbingdan bag'ishlading jon, ko'zimni to'ldirding nuri - ziyoga Qancha so'qmoqlardan o'tding yetaklab, oshno qilding meni hayotga, elga Ba'zan izlaringdan yurdim emaklab, sen boshlading meni insoniy yo'lga. Ba'zan sen parvona men chiroq bo'ldim, sen chiroq bo'lganda bo'ldim parvona Koyisang yig'ladim, erkalasang kuldim, shu zayl bag'ringda ulg'aydim ona. Qo'llarim ko'ksimda qilaman ta'zim, sen axir qalbingdan qon berding menga O'zingdan o'zimman, ko'zingdan ko'zim, sen axir joningdan jon berding menga Bir umr parvonang bo'lay boshingda, ko'zim yumib dunyodan tamom o'tguncha Onajon yelkamda qarzim ko'p sendan, bir parcha et edim sen qilding odam. Ammo seni sira qarzing yo'q mendan, sendan oldim aqlni, zakovatni ham. Derlarki onaning ko'ngli bolada, nafas ololmaydi ona farzandsiz, Derlarki bolaning ko'ngli dalada, nafas olarmikan farzand onasiz. Ming qulluq odamni tanitding menga, bag'ri keng ufqsiz dunyo ekansan Kel, bag'rimga bosay ey ulug' inson, oppoq peshonangdan o'pay volidam, Senga ta'zim qilsin zaminu - zamon , sen bunga xaqlisan ey nuridiydam. Qaniydi tabiat qo'lidan kelsa, abadiy etolsa sening umringni, Roziydim onajon iloji bo'lsa, senga qo'shib bersa mening umrimni. Bir kechalik allang hurmati uchun, yuz yillik umrimni bag'ishlasam kam Ko'chirsam qalbinga qalbimning kuchin, qarzim uzilmasdan qolur shunda ham Agardaa bo'lsaydim zo'r haykaltarosh, senga yasardim yurakdan haykal, Yo agar bo'lsaydim mo'yqalam naqqosh, surating chizardim berib ming sayqal Oralab qolibdi sochlaringga oq, ol meni sochimni qoralarini Tishlaring tushibdi xo'rsinma biroq, ol meni tishimni sralarini Xiralashib qolibdi ko'zlaringda nur, ko'zlarim nurini olgin mehribon Roziman bir umr xizmating qilsam, Yuragim qo'rini olgin onajon. Ona qay birin olayin tilga? Men uchun chekmading ne - ne zaxmatlar Dilingni ko'chiray qay birin dilga? menga sarflaganing ne - ne fursatlar Oltinga teng edi har daqiqasi. Seni tashvishimdan sochlaringa oq, sevinchu - iztirob barcha - barchasi, Senga ozor bergan bedorlik, charchoq, roxatingni buzgan sho'x beboshligim, Ko'zingni quvnatga olov yoshligim, bularning hammasi shular hammasi, Umringni zaxmati emasmi ona? Yuzimga termulib beshik quchoqlab Necha tunlaringni o'tkazding uyg'oq, bag'ringda opichlab yurding ardog'lab Ko'zing qorachig'i misli har chog', o'zing yemadingu menga yedingdin, O'zing kiymadingu menga kiydirding, gavxari shamchirog' tuyuldim senga, Muqaddas insonsan aziz insonsan, aslida insonni yaratgan onam Zaminga murabbiy zamonga jonsan. Qabul et onajon, bugungi yurak so'zimni senga bag'ishladim, senga azizam Yo'q - yo'q so'zim emas, o'zimni senga bag'ishladim , senga Ey ulug' inson
Mani fikrim kimga qanqa bilmadimu so`rab o`tirmasdan oxiriga4a yozib qo`yilsa yaxwi bo`lardi 4em yarim 4ala bo`gandan ko`ra davomini qo`wib unga yana qo`wiw kere sevgi xaqidi werladan ko`ra wunisi yaxwi dib o`yliman xurmat bilan "MAXAM_VERTOOZ"
