Ba'zan kichik sinovlarga berolmay bardosh
Ikki bukilamiz, egiladi bosh.
Qaddingni tik tutgin, o'tkinchi dunyo,
Yig'lama, kuyinma, besh kunlik dunyo!
Kimdirlar yashaydi farzandi uchun,
Kimdirlar mol-davlat, kayf-safo uchun.
Diyonatli bo'lgin sen, o'tkinchi dunyo
Mehr ulashib yasha besh kunlik dunyo!
Yana kimdir mushtoqdir ona mehriga
Kimdir la'nat keltirar ota-onaga
Iymonli bo'lgin sen, o'tkinchi dunyo
Burchingni ado et, besh kunlik dunyo!
Kimdir boylik uchun sotar vijdonin
Kimdirning puli yoq, lek qilar shukur.
Sabrli bo'lgin sen, O'tkinchi dunyo
Sinovli dunyo bu, besh kunlik dunyo!
Kimdirlar uyalar kambag'allikdan
Kimdir esa noliydi o'z hayotidan
Nolima, uyalma o'tkinchi dunyo,
Unitgin g'am tashvish, besh kunlik dunyo!