Sokin tunning sayriga
Taklif etdim, qaytmading
Qaytmading o, o’zgani
Sevishimni aytmading
Sen ketding – u, qalbingning
Izi qoldi yodimda,
Sutday oydin kechaning
O’zi qoldi yonimda

Goh butoqqa, goh gulga qo’nar,
Tinim bilmas sayroqi qushcha
Nechun bahor seni rom etgan
Qayda eding bahor kelguncha?

Kel, yashaylik hamisha birga,
Bizda bahor, gullar barchasi
Bilsang men ham chaman o’lkamning
Sho’x va quvnoq, shod o’gilchasi

Abdulla Oripov - Uchqun
Goho xayol daryosida jim
O'tkazaman tunlarni bedor.
Ba'zan g'aliz jumla ustida
Soatlab bosh qotirganim bor.

Shaloladek bo'lsa she'rlarim
Yog'du sochsa misli alanga
Sidqidil-da qobil o'gildek
Xizmat qilsa elga, Vatanga

Xali bunga ko'p gap bor, xali
Fikrlarim tarqoq, tuyg'usiz
Xali qancha tunlarni yana
O'tkazishim kerak uyqusiz...

Achinmayman, sizga o'ylarim
Achinmayman, sizga, uzun tun.
Achinmayman, chunki otashga -
Oq yo'l berar odatda uchqun!