Бобожон, бобожон, эшитдингизми? - Нимани, болам? - Америкадачи бир пенсионер киши лотереяда 236 миллион ютиб олибди. Зўр-а? - Нима бўлибди, ютиб олган бўлса? - Нима бўлибди? У энди истаган ҳар бир нарсасини сотиб олса бўлади. - Истаган ҳамма нарсасиними? – деди кулимсираб Саиднинг бобоси, - у нафақахўр бўлса, унга энг керак нарса бу соғлиқ, соғлиқни эса сотиб олса бўладими? - Барибир ҳам у кишининг энди пули кўп, - гапини бобосига ўқдиришга уринарди Саид. – Бобожон, келинг биз ҳам лотерея сотиб олайлик. Менинг йиғиб қўйган пулларим бор, биз ҳам соврин ютиб оламиз, мана кўрасиз! - Мен сенга совринни аллақачон ютиб олганимизни айтмаганмидим?
