Abdulla Oripov - Uchqun
Goho xayol daryosida jim
O'tkazaman tunlarni bedor.
Ba'zan g'aliz jumla ustida
Soatlab bosh qotirganim bor.
Shaloladek bo'lsa she'rlarim
Yog'du sochsa misli alanga
Sidqidil-da qobil o'gildek
Xizmat qilsa elga, Vatanga
Xali bunga ko'p gap bor, xali
Fikrlarim tarqoq, tuyg'usiz
Xali qancha tunlarni yana
O'tkazishim kerak uyqusiz...
Achinmayman, sizga o'ylarim
Achinmayman, sizga, uzun tun.
Achinmayman, chunki otashga -
Oq yo'l berar odatda uchqun!