Yig’layotgan bulbul, so’nayotgan gul
Bu mening sevgimdir yayramagan qul
Bo’stonimda kuldur,bahorimda kul,
Kel endi bir to’yib yig’laymiz ko’ngil

Yorimdan ayirdi yor-yor navosi,
Ko’z oldimdan ketmas ko’zi qarosi.
Chorasiz dardlarni shudir jazosi
Kel endi bir to’yib yig’laymiz ko’ngil.

Bizni kutmayapti visol bog’lari,
Ustimizdan kular hijron zog’lari.
Ketsin bu yurakning sariq dog’lari
Kel endi bir to’yib yig’laymiz ko’ngil.

Yonimga kelinglar yordan judolar,
Avrasin samodan kelgan sadolar.
Bizdan yuz o’girib ketdi vafolar,
Kel endi bir to’yib yig’laymiz ko’ngil.