Эй дўст!
Сераёз томонларнинг узумидир Сўз,
Саҳро-дашт, чўлларнинг гужумидир Сўз.
Сўз инсофдан улуғ, исрофдан хордир,
Турналарнинг тилло тизимидир Сўз. * * *
Эй дўст!
Учиб чиқар бир қуш ўз уясидан,
Унга қайтиб кирмас, қандай қушдир у?
— Нақд яхши ҳамиша насиясидан,
Уни “Сўз” дейдилар, жавобимиз шу! * * *
Эй дўст!
Тарозига солиб айтдим ҳар бир сўзни,
Унутмадим, кескир нигоҳ, ўткир кўзни.
Қуюнларнинг ниятидан хабарим бор,
Тиконларнинг нишларида кўрдим ўзни. * * *
Эй дўст!
Аллоҳга таваккул қилдик жонимизни,
Ҳалоллаб едик бир бурда нонимизни.
Даламизда деҳқон мисол бедормиз,
Пахта, буғдой ўраган ҳар ёнимизни.
|
