Ko`zdan ketmas ko`zingning izi
Tong otganda - sahar yoki kech.
Ey, suluv qiz, oftobning qizi,
Sen ham meni eslaysanmi hech? Ko`zdan yog`ar yoshlar yomg`iri,
Yuragingga tushmas hech biri.
Ko`zim yoshi, ko`nglim og`rig`i,
Sen ham meni eslaysanmi hech? Qorlar yog`ar, yog`adi qorlar,
Boshim uzra hijrondan dorlar,
Sensiz kelib ketar bahorlar,
Sen ham meni eslaysanmi hech? Ko`zdan ketmas ko`zingning izi,
Men-ku seni unutmayman hech!
Qo`lim yetmas oftobning qizi,
Sen-chi? Meni eslaysanmi hech?
|
