Nega qasd qilasan jonima ayt-chi,
Ko'zlaringni suzib, qoshingni qoqib,
Kamayib qolmasku davlating axir,
Bir bor ko'kragimga qo'ysang gul taqib.

Tomchiga zor etib gohi yonimda
Obi-hayot bo'lib o'tarsan oqib.
Vaslingga yetolmay dog'daman, go'zal,
Hijron azob berar ilonday chaqib.

Aytishim shartmidi oshiqligimni
Axir, sezmadingmi dardimni o'zing,
Umrbod baxtiyor etardi mani
Bitta tabassuming, bir og'iz so'zing.