Bir vaqtlar sevgidan bahtiyor edik,

Bizga begona edi qo'rqinchli hadik.

Bugun yolg'iz o'tiribman, ertadan qo'rqib,

Nechun kelmadingiz bir bora eslab.

Sevaman derdingiz aqlim shoshirib,

Muhabbat osmonida yengil uchirib.

Bir lahzada yurakdan sevgim o'chirib,

Nechun kelmadingiz bir bora eslab.

Endi ne qilmoqqa yetmaydi aqlim,

Uzatsamda sizga yetmaydi qo'lim.

Bundan ortiq sevgi bo'lardi o'lim,

Nahot endi kelmaysiz bir bora eslab.


Yozning iliq iqshomlari sizni qalbimga boshlab kelgandi.

Endi kuzning sarg'aygan yaproqlari kabi shamollarga qo'shilib meni tark etyapsiz.

Mayli, ketishni ihtiyor etgan ekansiz, boravering.

Faqat bir o'tinchim, aybimni aytib keting!!!

Ha sevaman! Buni etmayman inkor,

Behuda emasdi ko'ngil izhorim.

Shubhalar hammasi-hammasi bekor,

Sababi bu emas qat'iy qarorim.


Bugun tushundim men taqdir hazilin,

Bugun menga ayon zim-ziyo sirlar.

Bugun bildim tenging emasligimni,

Bugun bu ko'z yoshlar qalbimni tirnar.


Taqdir atalmish bu muhtasham saroy,

Biz ikkimiz uchun ko'tarmagan qad.

Bahor ham shunchalar bersada chiroy,

Birga ko'rolmadi bizlarni faqat.


Uzr so'ramayman ketish oldidan,

Chunki sevish, ahir, emasku gunoh,

Bosh olib bu yerdan sening vaslingdan,

Bilmayman qayerdan toparman panoh.


Ho'p, mayli, uz endi sevging rishtasin,

Hayotda bahting top deb qilaman nido.

Yagona tilagim, qayg'u neligin,

Bilmasdan yashagin, Hayr! Alvido!

Yomg'ir yog'ayapti, yig'laydi yurak,

Xazon to'kilmoqda, armondir tilak.

Mungli yuraklarga navbahor kerak,

Bugun qorayadi qorim Azizim,

Yana o'rtanmoqda jonim Azizim.

Bilmadim, negadir shodon kunim yo'q,

Sizni o'ylamagan biror tunim yo'q.

So'zlayman-u, ammo chiqar unim yo'q,

Faqat shu qog'ozdir borim Azizim,

Hozir yana sukut zorim Azizim.

Tong otadi, lekin ko'nglim qorong'u,

Tunda ko'zlarimga kelmaydi uyqu.

Buncha qiynamasa meni bu tuyg'u,

Qalbim qiynalmoqda hozir Azizim,

Sizni kutmoqdaman borim Azizim.

Oy - ko'zim oldida sarg'aygan yaproq,
Kuzak - hayolimda mitti tugunchak.
Jismim - oyog'ingda toptalgan tuproq,
She'rim - anduhlardan yaralgan g'uncha.
Tunlar qulog'imda qolib ketgan sas,
Tonglar vujudimda esgan bir nasim.
Jonim, boshqasini topmadim, hullas,
Sening ko'zlaringga kelar havasim...

Yaqinlariz ko'z o'ngida hazon kabi to'kilmang,

O'sha mahzun hayot hali quvonchlarga to'ladi.

Tarqab ketar hali ko'kda qanot yozgan qora bulut,

O'z nurlarin charaqlatib kulib chiqar sizga quyosh.

Umid aytar: O'kinmagin, bu kunlaring barin unut,

O'zim bo'lay yo'llaringda, hayotingda senga yo'ldosh.

Umid borki, inson zoti qaddin baland tutadi,

Gar bo'lmasa yovuz ummon bizni ichga yutadi.

Bu dunyoning armonlarin yengib, ortga qaytaylik biz,

Chunki, bizni umid boglab, qora ko'zlar kutadi.

Bilmadimki bu ne sinoat,

Seni ko'rgim kelaveradi,

Hayolim qalbimga qilmay qanoat,

Shamolday sen tomon yelaveradi.

Bilaman, sen haqingda o'ylash,

Gunohlarim ichra eng og'ir gunoh.

Bu go'zal sevgimu, hayollarimga,

Faqat ozim, qalbim, va olloh guvoh.

Hatto tushlarimda bo'lasan paydo,

Tinch qo'ymaysan hatto kechalar,

Aslo aytgim kelmas hayr, Alvido!

Yo'qotgim kelmaydi seni qanchalar.

Aslida sen men uchun qo'l yetmas yulduz,

Hayotingda hamroh o'zga bir inson.

Ammo qo'rqma, men aytar dil so'z,

Men-la qabrgacha ketadi ishon.

Ba'zan yolgizlikdan qalbim qiynalib,

Ming bor yiglayman-u va bir kulaman.

Sensiz menga hayot qorong'u,

Sensiz xazon bo'lib, bir kun o'laman!

Bir ko'rinding-u, yana ketding qush kabi uchib,

Aytgin qaydan o'zing uchun sen topding panoh.

Men-ku qoldim ko'zim yoshlab, surating quchib,

Muhabbatni zor qaqshatish emasmu senga gunoh.

Bu dunyoga qo'lim siltab, taqdirga tan berganimda,

O'zing menga umid berib, hayotimga qaytarding.

Endi esa qo'ling tutib, topdim bahtim deganimda,

O'sha tubsiz jarlik tomon meni o'zing itarding.

Nechun falak bizlar uchun orqasiga aylandi,

Mening kabi seni suygan inson asli bormidi.

Sensiz o'tar kunlar yana bir-biriga ulandi,

Mana endi biz ajrashdik, dil-dildan bezormidi?

Ne bo'lsa ham taqdir ekan, sen ollohga omonat,

Ammo yolg'iz o'tinchim bor, so'zlarimga quloq tut.

Pok sevgiga mehribonim, qilma aslo hiyonat.

Gar qo'lingdan kelsa agar, meni bir umrga unut!